Оупэн Соурс – Эркин ва очиқ кодли дастурий таъминотлар

Оупэн Соурс нима? – Open Source, умумий маънода асос коди омма учун очиқ бўлган ҳар қандай дастурий таъминотларга нисбатан ишлатилади. Оупэн Соурс лицензияларидан энг машҳури (ва балки энг биринчиси) “GNU General Public License“дир. Эркин ва очиқ кодли дастурий таъминотлар лицензиясининг энг муҳим шартларидан бири бу дастурларни тарқатишда, сотиш ёки бепул тарқатишдан қатъий назар, унинг дастлабки коди ҳам албатта фойдаланувчига тарқатилиши кераклилигидир. Бундан ташқари лицензия кодга ўзгартириш киритишга, ундан келиб чиққан ҳолда бошқа дастурий таъминотлар ясашга рухсат бериши ҳамда айни лицензия шартлари остида тарқатилишига рухсат беришни талаб қилади.

Оупэн Соурс учун энг машҳур мисол сифатида Линукс операцион тизимини келтириш мумкин. Бундан ташқари Apache, PHP, MySQLлар ҳам муваффақиятли эркин ва очиқ кодли дастурий таъминотларга яхши мисол бўла олади.

Оупэн Соурс ҳақида тўлиқ ва аниқроқ маълумот оупэнсоурс.орг (Инглиз тилида) сайтидан олишингиз мумкин.

Оупэн Соурс жамоатчилиги учун қўшган кичик ҳиссаларим

Мамбо (Mambo) 4.5.1/Жумла! (Joomla!) 1.0.х:

• Фойдаланувчилар интерфейсининг ўзбекча таржимаси
• Намоз вақтлари модули – ишлаб турган версиясини ислом.уз сайтида кўришингиз мумкин

пхпББ2.0.х (phpBB2.0.x):

• Фойдаланувчилар интерфейсининг ўзбекча таржимаси – ишлаб турган версиясини форумжон.ком сайтида кўришингиз мумкин

WordPress:

• WordPress Default шаблонинг ўзбекча таржимаси – ишлаб турган версиясини Шингил блогимда кўришингиз мумкин